Atualità
Jonta provinziela lascia do l IRAP per n aumënt de export
USP – La Jonta provinziela à (NCUEI) ai 12 de dezëmber dat pro de slargë la reduzion dl IRAP nce a firmes che aumënta l export. Cun chësc pruvedimënt uelen sustenì l vënder prudoc oradecà.
Tl Südtirol iel 1953 firmes che dij de fé export, ma de ndut fej l export me ora 16 percënt dl PIL (prodotto interno lordo) y chësc fej ora 3,32 miliardes de euro che vën trates ite vendan oradecà. “Permez al Tirol cun 32% y la mesaria taliana de 19%, messons cialé de fé plu export.
La gran cumpëida de firmes de export pudëssa ngiané la minonga, ajache me 46% de chësta 1953 firmes fej passa mez l export.
La Jonta provinziela à dat pro de sustenì l export lascian do l IRAP. Tla lege finanziera iel bele udù dant de smëndrì l IRAP da 2,98 a 2,5 percënt per chëla firmes che ie de ejëmpl. Chëstes fossa la firmes che ie bones de aumenté la stieres de 10%, de vënder 5% de plu o che da ora almanco 2% de si budget per tueda y svilup. La Jonta provinziela à śën slargià ora la reduzion dl IRAP nce per la firmes che ie bones da aumenté si export de almaco 5%.
as
