Atualità
Naziun y identité tl Tirol dan le 1914: ai 12 d’aurì tla Teßmann
USP - La Biblioteca provinziala Friedrich Teßmann inviëia ai 12 d’aurì dl 2012 a n referat dl storich Laurence Cole. Le titul dl referat é: „Nation und Identität in Tirol vor 1914“ (Naziun y identité tl Tirol dan le 1914). Do le referat gnaràl fat na mësa torona cun le referënt y storics dl Südtirol. Chësta manifestaziun stlüj jö la linia de referac „Südtirol in Europa. Eine Spurensuche“.
Le storich Laurence Cole ejaminëia te so referat le svilup dl’identité regionala y nazionala tl Tirol dan le 1914, analisan dantadöt la popolaziun de lingaz todësch. I punć zentrai reverda la creaziun dl mit de Andreas Hofer, la stromentalisaziun politica dla festa dl Sacher Cör de Gejù y la mobilisaziun di paurs. Ala fin vëgnel fat n confrunt por ći che reverda le prozès dla formaziun dl’identité danter „Tirolesc todësc“ y „Tirolesc-talians“ („Trentins“).
Ala mësa torona tolarà pert Siglinde Clementi, Hans Karl Peterlini, Carlo Romeo y le referënt Laurence Cole. La moderadù dla mësa torona sarà Hannes Obermair.
Le referat cun descusciun é en jöbia, ai 12 d’aurì dl 2012 tla Biblioteca provinziala Friedrich Teßmann, (str. A.-Diaz. 8, Balsan) y scomëncia dales 8 da sëra.
usp
