Atualità
Informaziuns de vigni sort por i studënc che stüdia a Desproch
OSP - L'assessuria competënta por le setur dl assistënza scolastica e universitara, Sabina Kasslatter Mur, incunta i studënc de Südtirol le proscim mertesc, ai 22 de otober tla capitala dl Tirol.
Informaziuns monüdes gnarál dè por cî che reverda i posc de laûr, i stipendiums, l'ofize de istruziun y i.i.Tl "Südtiroler Studentenheim", tla strada Viktor Franz Hess a Desproch, ciafa post bëgn 130 studënc universitars de Südtirol, nanter chîsc ince dër tröc ladins. Obietîf dla vijita dl assessuria Kasslatter Mur é ince chël de fa en surapost por odëi i laurs de restruturaziun che é gnüs fac pro le convit nü. La vijita al convit universitar él söl program dômisdé, dales 15 ales 17, olache l'assessuria gnará acompagnada dal presidënt dl comitê diretîf por i studënc, Hugo Valentin, dal responsabl del "Referat Südtirol" pro la Junta dl Land Tirol, Robert Gismann y dal assessur dl Tirol competënt por la scola y la cultura, Günther Platter.
Söl program él ince na sëra de informaziun sura "Le marcé dl laur por i academics te Südtirol" cun le diretur dl Istitut por l'archirida economica, Oswald Lechner, en raprejentanza dl ofize por l'istruziun y la formaziun profescionala la direturia Verena Wellenzohn, Werner Pramstrahler dl Istitut por la domanda dô laur y Stefania Scarpo dl Ofize informaziuns por i studënc academics. La sëra d'informaziun sará in mertesc che vëgn, dales 20 da sëra, tl Auditore 5 dla Faculté de sciënzes umanes dl université da Desproch tla strada Innrain 52.
EB
