Atualità
Cëses di parcs naturei inò daviertes
USP – De mei à sies de set cëses di parcs naturei inò giaurì. N ucajion dl ann nternaziunel dla flutra, à la cëses chëst ann dedicà scumenciadives ala flutra.
Ai prims dl mëns ova bele giaurì la cëses dl parch Texel a Naturns y Trudner Horn a Truden, sën à nce scumencià la sajon per la cësa dl parch naturel Puez-Odles a St. Magdalena de Funes y la cësa Fanes-Sennes-Braies a Al Plan de Mareo. Leprò ruva mo la cësa dl parch Drei Zinnen a Toblach y Rieserferner-Ahrn a Sand in Taufers.
Te uni zënter per vijitadëures iel unì njenià n cianton de nfurmazion dedicà ala faszinazion dla flutres cun tofles de nfurmazion, fotografies che fej mprescion y n box cun materiai de nfurmazion sun la particulariteies de chisc tieres. Per sculeies iel unì njenià na mapa dedicheda a juech y devertimënt cun la flutres.
Tla cësa dl parch naturel Fanes-Sennes-Braies a al Plan iel da pudëi vijité na mostra sun la biodiversità – la varietà dla vita, che fej referimënt ala belëzes dla biodiversità dl Südtirol.
A St. Magdalena de Funes pieta la cësa dl parch naturel Puez-Odles chëst ann de plu sëires de film y jites menedes. La jites geologiches danter la Dolomites, arpejon UNESCO, pieta de mparé a cunëscer la a puntin ie nce publicà tl cudejel da instà y sun la plates web dla repartizion provinziela Natura y cuntreda (www.provinz.bz.it/natur).
La ntreda ala cëses di parcs naturei ie debant. Daviertes ieles da merdi a sada dala 9.30 ala 12.30 y domesdì dala 14.30 ala 18.00. De lugio y agost ieles nce daviertes de dumënia. La cësa dl parch naturel Scilier-Rosengarten gëura ai 12 de juni.
as
