Atualità
La biscia tiroleja vëgn reconosciüda dal UE sciöche raza manaciada da morí fora
OSP - Da mez otober él ufizial: la biscia tiroleja foscia-rossa é gnüda reconosciüda dala Uniun Europeica sciöche raza manaciada da morí fora. "Chësc ó dí che dal proscim ann pò düc i zidladus fá domanda de contribut de sostëgn por la suraviënza de chësta raza tipica de ciora", dij cun sodesfaziun l'assessur provinzial por l'agricoltöra Hans Berger.
Chësta raza de biscia da munt cumpëda te Südtirol feter 2500 esemplars. 'Cun en ordinamënt europeich nü él ste poscibl garantí tl ann passè na basa iuridica por chësta raza. Da nosta pert un invié ia la prozedöra che é gnüda spo stlüta jö chîsc dis cun suzés', spliga l'assessur competënt Berger.A chësta moda pò i zidladus de bestiam dal proscim ann indô damanè dô devalies sovenziuns finanziares: chilò se tratela de na premia, secundo le provedimënt 13, dl Plann rural de svilup che amunta a 18 Euro por vigni tier che á le dërt.
La biscia tiroleja è la cuinta raza amesa chëles zidlades te Südtirol che vëgn protlamada en prigo d'estinziun dala Uniun Europeica. Fina sëgn á les mosüres de sostëgn tut en conscideraziun la promoziun dla biscia Lamon, di armënc Pinzgau, dla Pusterer Sprinzen (armënc de Puster) y dl ciaval norich.
EB
