Atualità

Ambiënt | 21.10.2002 | 16:29

Ega te Südtirol: plata nöia sön internet

OSP - Les novitês sön l'utilisaziun dles eghes, la cherta dles funtënes te Südtirol, stlarimënc söl ega da bëir: chîsc é en valgügn di tröc dac plö importanc ch'é sëgn da ciafè söla plata internet nöia dl Ufize provinzial por l'anuzamënt dles eghes.

"An vëiga gonot stritaries amesa Comuns sön cuestiuns che reverda i dërc de sfrutamënt dl ega. Cun chësc sît, ti lingac tudësch y talian, urun ti dè diretamënter al zitadin dütes les informaziuns che al se ghira te chësc ciamp", spliga Oskar Misfatto, diretur dla Repartiziun provinziala Eghes publiches y energia.
Informaziuns monüdes ciafa l'utënt por cî che reverda l'economia dl'ega, l'ega da bëir cun sües indicaziuns porsura la durëza, i resservac idrics, i mesi por la sconanza dles plantes cun na lista dles sostanzes atives conzedüdes, indenisaziuns por l'incultada, por les pastöres, les funtënes dl ega minerala te Südtirol, informaziuns sön l'inagaziun y sön la forza idraulica, sön l'inovüda artifiziala y i.i.

Le sît internet nü é: www.provinz.bz.it/wasser-energie/3701/index_d.asp

EB