Atualità
Comisciun por sconanza dla contrada azeta proiet a Al Plan
USP -La Comisciun provinziala por la sconanza dla contrada à te süa senteda da en mertesc, ai 22 de mà 2012 aprovè n proiet de mioramënt de na pista dai schi tl comun de Mareo.
Tl comun de Mareo oress la Sozieté "Seilbahnen St. Vigil in Enneberg" amplié la pista dai schi "Ruis". Ara se trata de n col de presciapüch 3.000 metri cuadrać de bosch re. Le proiet presentè vëiga danfora n’aziun de remboscamënt sön na spersa de 2.000 metri cuadrać sciöche mosöra de compensaziun. La secunda Comisciun provinziala por la sconanza dla contrada à aprovè le proiet se damanan dlungia les mosöres de compensaziun inće na cauziun de 5.000 euro. "Fora de chël gnarà i laûrs inće ćiarà sura dal’autorité forestala provinziala. Te degun caje ne ti podaràl gnì fat dann al Rü d’ La Pli", insciö à lascè al savëi le presidënt dla Comisciun provinziala por la sconanza dla contrada Adriano Oggiano.
usp
