Atualità
Brosciüra nöia sön la sanité psichica
OSP - L'Ufize distrec sanitars dl Assessorat ala Sanité realisëia vigni mëis na seria de brosciüres: le nono de chîsc trata le tema: “Distimia: che cos’è?” - "Dysthymie: Was ist das?".
Les brosciüres é gnüdes metüdes adüm por tudësch y talian t'en lingaz tler y scëmpl y afruntëia dütes les tematiches ch'á da en fa cun la sanité dla mënt. Splighé vëgnel spo ince i sintoms, la metoda de tratamënt plö efiziënta y al vëgn elenchè i esperc da che jì por avëi cunsëis y stlarimënc. Tl cheder de chësta iniziativa sura la sanité psichica vëgnel ince mustrè n cürt contribut televisif tl "Gesundheitsmagazin" dla Rai Sender Bozen. La brosciüra é a desposiziun de düc i interessá pro i Sorvisc psichics y psicologics dla provinzia, pro i Zëntri dla sanitè dla mënt, pro les Aziëndes sanitares, pro i Distrec sanitars, ti stüdi di doturs y ti stüdi de medejina generala, pro la sënta dla RAI tudëscia a Balsan y ince pro l'Ufize Disterc sanitars dla Repartiziun Sanité (Tel. 0471 411654 - e-mail: distrettisanitari@provincia.bz.it).EB
