Atualità
Provinzia de Bulsan anjenieda a judé tl tremot
USP – Do che (NCUEI) ai 29 de mei à la tiera inò zità plu dassënn dal’Emilia Romagna nchin a Dispruch, ie la Provinzia anjenieda a judé la jënt tl bujën. Aldò de prim nfurmazions dëssel vester stat 10 morc y truep dann materiel.
Pernan che à nce a Bulsan sentì l tremot iel riesc unì cherdà adum l cumité de prim aiut: la scuadres ie anjeniedes per jì tl Emilia a judé. “La se trata de judé la jënt che ie per l segondo iede tucheda da na scasseda de 5,8 dla scala Richter” à dit l presidënt Luis Durnwalder riesc do la senteda dla jonta provinziela. Bele do la prima majera scasseda dan diesc dis, ai 20 de mei, se ova la prutezion zevila dla provinzia de Bulsan metù a desposizion de judé. Da pert di raions tuchei ntëur Modena, fovel pona me unì cherdà doi tecnics.
Ncuei, lunesc ai 29, à la tiera nce scassa tl Südtirol. Per na segura an a Maran, Neumarkt y Salurn fat jì i sculeies ora de scola. Ntan vëniel tlo inò fat lezions de scola
as
