Atualità
Ala fin dl’instà na pruposta de lege urbanistica che tën cont dla cuntreda
USP – Per lauré ora na pruposta de lege urbanistica nueva à la Jonta provinziela dat pro i ponc zentrei. Da una pert dëssel unì scemplificà la pruzedures burocratiches y dal’autra pert dëssel unì coordinà miec l’ativiteies aministratives che reverda l’urbanistica y la cuntreda.
Sun la basa de n studi universiter ulëssen mëter a jì pruzedures scemplifichedes per mudazions al plann urbanistich chemunel y nce per dé pro cunzescions da frabiché. L studi ie unì fat dal prof. Emanuele Boscolo dl Departimënt de dërt, economia y cultura del Università dell'Insubria de Como.
La pruposta de lege urbanistica nueva unirà laureda ora dal’espertes provinzieles Eleonora Gallo y Johanna Ebner. Ëiles à giapà la ncëria de finé si lëur nchin ala fin dl’instà.
Per coordiné miec la pertes dl’urbanistica y dla cuntreda uniral metù adum la doi repartizions provinzieles. “A chësta maniera arjunjons plu efizienza y sparanion leprò nce feter 340.000 euro” à dit Luis Durnwalder te cunferënza stampa. La direzion dla repartizion unificheda ti unirà sëurandata al ing. Anton Aschbacher.
as
