Atualità
Ai 18 de juni sëurandata dla stieres tla scolines ladines
USP – N lunesc ai 18 de juni uniral sëurandat de ndut 26 stieres tla scolines ladines per l proscimo ann de scola. Maestres che ie tla graduatories per trasferimënc y per ncëries a tëmp determinà ie nviedes tla direzion dla scolines a Piculin.
Per l ann de scola 2012-13 uniral tla scolines ladines sëurandat 17 stieres per maestres y 6 per culaburadësses pedagogiches. Leprò vën mo 3 stieres per maestres cualifichedes per la ntegrazion. Majera pert de chësta stieres ie a tëmp plën per dut l ann, velch ie nce a mez tëmp per o a suplënza.
La sëurandata aldò dla graduatories unirà fata n lunesc ai 18 de juni tla direzion dla scolines ladines a Piculin. Dala 9 da duman uniral sëurandat la stieres per la maestres y dala 10 chëles per la culaburadësses pedagogiches. Danora uniral dat via la stieres de trasferimënt, pona chëles a tëmp determinà.
as
