Atualità
Dal 2013 cun l "Green Pass" sun l jëuf dl Selvio
USP – La streda dl Stelvio deventerà tl ann che vën na streda cun daz y puderà ala pert dl Südtirol me plu unì furneda cun l "Green Pass". Cun chësc inuem ulons dé da ntënder che l daz vën dantaprima metù per revaluté l jëuf da pont de ududa ecologich” spiega l assessëur Florian Mussner.
Dan n valgun enes à la Jonta provinziela delibrà de mëter n daz per la streda dl Stelvio, śën vëniel laurà per la ntroduzion dl sistem de daz a na maniera che sibe dut njenià per l 2013.
Chisc dis iel sun la streda dla val Venuesta bele unì metù su 26 stazions de nfurmazion y proscimamënter giateran nce nfurmazion sun na plata tres internet. Per l assessëur Mussner iel mpurtant che la ntredes dl daz sibe de utl per trueps. La se trata de arjonjer na revalutazion de dut l raion. “La ntroduzion dl Green Pass dëssa smëndrì l muvimënt singul y cun chël che unirà trat ite ulons miuré l trasport publich. Cun i scioldi ulons nce miuré y mantenì la streda.” Chësc pont ie segur: duta la ntredes unirà adurvedes sun l post. “N cont dl priesc dl daz ne iel mo nia unì tëut na dezijion definitiva, l unirà calculà sun la basa la categuria di auti y dl tëmp”.
L Green Pass dëssa funziuné n pue’ sciche la vignette tl’Austria. L ne sarà perchël nia stazions dal daz sciche pra l’autostreda taliana, ma vignettes da cumpré da automac.
as
