Atualità
Strada por Gherdëina daverta ti fins dl edema
OSP - Fina ai 13 de dezëmber é stlüta la prüma pert dla statala "242" por Gherdëina tla localitè dl punt de Pruca. La ordinanza te tigní indere davert l'azes por Gherdëina ti fins dl edema è gnüda dada fora inier da pert dl assessur ai laûrs publics, Florian Mussner, dô na sentada de coordinaziun a chëla che al á tut pert i tecnics y i ombôlc dles localitês interessades ai laûrs.
Por che i laûrs pro le tunel y la strada nöia tl incrujada a Pruca por Gherdëina pois ji inant y ince por gauja de laûrs da pert dla dita dal gas SNAM, él gnü fat fora dala Junta provinziala dan da en valgünes edmes de sarè dldüt l'azes a Pruca por la "vedla strada de Gherdëina", le prüm toch dla statala 242 fina ai 13 de dezëmber.La strada statala "242" restarà indere da incö vëindres inant daverta vigni fin dl edema. Intratan i dis de laûr sarà l'azes por Gherdëina stlüt a Pruca dales 7.30 daduman fina ales 18.30 dasëra.
Les deviaziuns, ite e forapert dla valada, é por Ciastel o sënza söla strada provinziala Tlüses-Liun-Pontives. Stlüc fora da chëstes prescriziuns é i abitanac de Pruca, Novale di Sotto/Unterried, i abitanc dl comun de Liun, i auti dla dita PAC y les corieres de linea. I automobilisc che vëgn da Balsan gnarà devià da Blumau por Ciastel y Urtijëi. Por i automobilisc che vëgn da Porsenù y dal Ju dl Sela ca saral deviaziuns da Tlüses por Pontives y Pinei.
EB
