Atualità
Dumënies liedies y events pra la gran mostra “Panorama 4”
USP – La gran mostra de ert nueva a Franzensfeste pieta ntan trëi dumënies l’ntreda debant per udëi cie che l’ert dla trëi grupes de rujeneda dl Südtirol dà ca te chësc mumënt. De merdi sëira pieta “Panorama 4” vijites cumpaniedes dai curadëures y artisc’. Ai 10 de lugio saral nce l curadëur ladin Tobia Moroder y i artisc ladins Gerhard Demetz y Diego Perathoner.
De merdi sëira possen cialé la posizions de 33 artisc nce do vëis, nchin la nuef da sëira. Sëuraprò ala spiegazions di curadëures, che à studià ora l cunzet dla mostra, possen te chësta ucajions nce ancunté i artisć nstësc. Dut chësc vën pità deberieda cun n aperitif per viver na sëira particulera d’ert.
Ntan trëi dumënies puderan vijité la mostra debant, uni una de chësta dumënies ie dedicheda a n auter argumënt. L 22 de lugio unirà dedicà ai jëuni y la cultura. L muvimënt y la cunescënza dl corp ie pona ai 12 de agost l tema dl di. L’ultima dumënia liedia, ai 30 de setëmber, uniral fat na festa ala lergia per stlù ju la mostra.
Panorama 4
nchin ai 30 setëmber 2012
Furtëza a Franzensfeste
merdi 11.00 – 21.00, mierculdi – dumënia 11.00 – 17.00
d’agost nchin la 18.00
www.provinzia.bz.it/panorama
Articul dla mostra Panorama cun video y ntervistes a
www.provinzia.bz.it/usp-ladin/285.asp?aktuelles_action=4&aktuelles_article_id=396645
as
