Atualità
Cô deventè moaster carigá
OSP - Al toma ai 12 de nuvëmber le terminn por se scrì íte al curs de formaziun profescionala de "moaster carigá", metü a jí dal Ufize provinzial lernerat y maester artejan.
Le curs teorich y profescional scumëncia ai 16 de nuvëmber 2002 y vëiga danfora leziuns por tudësch y talian. Preodü él en total de 220 ores de leziuns, de chëstes sarál feter 3 edemes de curs intensif. Le curs se ruvará tl aurí dl 2003 y al é punsè dandadüt por artejagn, sides dependënc co ince autonoms. Le curs gnarà tigní tla Scola profescionala taliana tla strada S. Gertrude 3 y tl laboratore ortopedich GBO ti Piani a Balsan. Le partezipant al curs de formaziun impararà deplö sön la tecnologia di materiai, söla prevenziun d'inzidënc y sön l'anatomia dl pé y spo sambëgn sön la realisaziun pratica de cialzà de vigni sort. Por informaziuns plö monüdes prëibel telefunè al Ufize provinzial lernerat y maester artejan, a Balsan tla strada Raiffeisen 5, al numer 0471 413620, e-mail: corinna.guida@provincia.bz.it.EB
