Atualità
11 de lugio senteda de crisa dla Jontes provinzieles de Bulsan y Trënt: cunferënza stampa
USP – La Jontes provinzieles de Bulsan y Trënt ne azetea nia che si cumpetënzes ne vën nia respetedes per via di pruvedimënc de sparani da pert dl Guviern talian. (DUMAN) mierculdi, ai 11 de lugio, se anconta la doi jontes provinzieles per fé ora deberieda cun la Jonta regiunela co se paré da Roma. L’ancunteda tl palaz Widmann a Bulsan scumëncia dala 12.00 da mesdì. Per la 13.00 iel udù dant de mëter man cun la cunferënza stampa.
L presidënt dla Provinzia à inier do la senteda dla Jonta provinziela fat al savëi che do l ultimo decret de sparani dl Guviern talian che ne respetea inò nia l’Autonomia, ne iel nia plu mesun jì inant. La Jonta provinziela se pera y se mët adum cun Trënt. Duc i assessëures provinziei y regiunei se ancunterà a Bulsan per fé ora co se astilé y co jì inant. Riesc dadedò uniral tenì na cunferënza stampa che scumëncia
duman mierculdi, 11 de lugio
ntëur la 13.00
tla sala stampa dla Jonta provinziela
tl palaz Widmann, plaza Silvius Magnago 1, a Bulsan.
Dala 12.00, canche scumëncia la senteda di assessëures, à i culaburadëures di media ucajion de tò su per la televijion y de fé fotos.
as
