Atualità
Sëurandà i lëures per n puent sun Jëuf de Sela
USP – Daujin ala cava sun jëuf de Sela fej l Assessorat ai lëures publics n segondo puent da nuef. (INIER) Ai 17 de lugio iel unì sëurandà i lëures.
I puenc sun jëuf de Sela à per l servisc provinziel ala stredes na gran priorità. I resultac de n’analisa te dut l raion provinziel ova mustrà su i puenc che à gran bujën de unì renuvei per garantì la segurëza nce ai mesuns plu pesoc. Sun jëuf de Sela, daujin ala cava iel l ann passà bele unì fat un n puent da nuef. “Śën sons tan inant che pudon scumencé i lëures pra l puent che ie feter 200 metri dessot” spiega l assessëur Florian Mussner. Per n auter ann iel udù dant de mëter a post mo n terzo puent te chësc raion.
Tl ufize provinziel per apalc iel ai 17 de lugio unì sëurandat i lëures ala firma Goller Erben. La firma de Sëuc à venciù l cuncors lascian do l priesc de 7,1%, a na maniera che i lëures vën a custé 196.000 euro. L scumenciamënt di lëures ie udù dant per setëmber y da iló inant à la firma 90 dis a desposizion per finé l puent sun jëuf de Sela.
as
