Atualità
Ndicazions IMU dla Jonta provinziela per i paures
USP – La Provinzia de Bulsan à tres ndicazions ai chemuns udù dant che nce i paures dëssa paië si pert dla chëuta IMU. La Jonta provinziela à (NCUEI) ai 23 de lugio dat pro i caji cuncrec, tl cuntest dl’agricultura, ulache l pudëssa unì fat delibrazions dal IMU.
Per i fitamajons iel udù dant na chëuta IMU de 7,6 permile. “L ne fossa nia drët che per chëla pertes che vën nuzedes per la feries sun l luech da paur, ne iel da paië deguna IMU, nsci iel la Provinzia de Bulsan, la sëula tla Talia ulache nce i paures messerà paië si pert” à dit l presidënt Durnwalder do la senteda dla Jonta. Nscì iel unì dant la ndicazion ai chemuns de tò ite l IMU nce per cooperatives da paur y frabicac nuzei per feries sun l luech da paur.
Sce cuatieres sun n luech da paur vën nuzei da chëi de familia, dëssa chisc cuatieres unì cunscidrei per l IMU sciche prim cuatier. Sce l se trata de n ufize pra l luech da paur, pona dëssa chësc aldò dla Jonta provinziela nia unì valutà autramënter de duc i autri ufizies.
Ntan l frabiché da nuef de na strutura zareda ju, iel nchinamò unì tëut ite la vedla chëuta ICI. “Ntan i lëures muessa i paures é bele cialé ulà che i lascia l bestiam y la mascins, perchël ne iel nia drët tò ite na chëuta te chësc tëmp” à dit Luis Durnwalder. La Jonta provinziela à tëut demez chësta regulamentazion jan contra la ulentà dl’Assoziazion di chemuns.
as
Landeshauptmann Durnwalder erklärt die Änderungen hinsichtlich der Immobiliensteuer IMU im Bereich der Landwirtschaft
- Scarica il file audio 473 kb
