Atualità
Dala senteda dla Jonta provinziela dl 23 de lugio
L pachetl per l crëscer economich che unirà chisc dis tratà tl Parlamënt a Roma vëija dant che l Stat se tole la cumpetënza de scrì ora la cunzescions dal’ega per fé strom. Per la Jonta provinziela ie chësc n pericul che l ti vënie tëut na cumpetënza dl strom. Aldò dl barat cun l Stat giapà la Provinzia la prima pert dla puscions dla ferata per avëi fat de plu lëures pra la stazions. Tl Südtirol muessa i paures paië la chëuta IMU, la Jonta provinziela à sën fat ora ulà che l dëssa unì fat ezezions. - Chisc ie stai i argumënc zentrei dla senteda dla Jonta provinziela ai 23 de lugio che l presidënt Luis Durnwalder à cunedì te cunferënza stampa riesc do la senteda.
Jonta provinziela: pericul dal Stat sun la cumpetënzes dl strom
Provinzia sëurantol puscions dla ferata
Ndicazions IMU dla Jonta provinziela per i paures
as
