Atualità
Ai 7 de agost vëniel sëurandat stieres tla scoles ladines
USP – N merdi ai 7 de agost vëniel sëurandat la stieres da nseniant per l ann de scola 2012-13 tla Scola Ladina. Nsenianc che ie tla graduatories possa se prejenté dala 9.00 danmesdì tla sënta dla Ntendënza Ladina a Bulsan.
La sëurandata de cuntrac a tëmp per personal nseniant vën fata sun la basa dla graduatories provinzieles per l ann de scola 2012-13. Chëst ann vëniel me sëurandat cuntrac per un n ann.
N merdi ai 07 de agost uniral dala 9.00 danmesdì sëurandat la stieres liedies per la scoles elementeres de Gherdëina y dla Val Badia.
Dala 9.30 uniral sëurandat la stieres liedies per la scoles mesanes y la scoles autes ladines.
Nsenianc che ie tla graduatories possa se prejenté tla Ntendënza Ladina, streda Binder 29 a Bulsan cun n documënt de identificazion. Sce l candidat ne possa ai 7 de agost nia vester a Bulsan, possel se lascé reprejenté da na persona de crëta cun delega scrita.
Pernan che la sëurandata tla Ntendënza ie stluta ju, possa i diretëures de scola scumencé a fé i cuntrac per suplënzes. La sëurandates tla singula direzions unirà fates aldò dla graduatories d’istitut.
as
