Atualità
Concursc publics pro i ënc statai te Südtirol
OSP - 1 en post lëde por en ladin pro l'Agenzia dles entrades.
L'Ufize dl marcé dl laûr lascia alsavëi che tl boletin ofizial dl 21 de otober dl 2002 él gnü publiché en concurs dl Agenzia dles entrades relatif a 20 posc, de chisc 1 por en ladin, sciöche funzionar aministratif tributar. Por tó para al concurs vëgnel damanè en diplom universitar iuridich-economich y le patentin A.Les domandes d'iscriziun al concurs mëss gni prejentades al' "Agenzia delle entrate, Direzione provinciale di Bolzano, Ufficio Risorse Umane". La mansciun é: Plaza dl Tribunal, 2 a Balsan. Les domandes mëss gni dades jö dan dal 20 de nuvëmber 2002. L'Ufize por le laûr a Balsan é a desposiziun por dè informaziuns plö monüdes (Tel. 0471 412741, dales 9 ales 12).
Stlarimënc ciafon ince sön le sît internet: http://www.provincia.bz.it/borsalavoro
EB
