Atualità
Ai 16 de agost cunferënza stampa de Durnwalder a Falzes
USP – N juebia dl’ena che vën, ai 16 de agost nvieia l presidënt dla Provinzia Luis Durnwalder i culaburadëures di media a n’ancunteda te si cësa a Falzes. Sciche n ie bele usei, fajerà l presidënt dla Provinzia n bilanz dl ultimo mez ann y cialerà danora al autonn che sarà caraterisà dala mpustazion de sparani da Roma.
For inò muessa la Jonta provinziela se de ju cun nuviteies da Roma che ne à nia me na nfluenza sun la programazion dl bilanz 2013, ma che cumporta ntervenzion sun l’Autonomia.
Cie che la Jonta provinziela se aspieta per chësc autonn, a cie maniera che n se dajerà da fé y co che sarà la fazion dla mpustazion de sparani dl Guviern Talian sun la politica provinziela, prejenterà Luis Durnwalder ntan si cunferënza stampa da instà a Falzes.
La cunferënza stampa da chëst ann sarà
n juebia ai 16 de agost 2012
dala 10.00
tla cësa dl presidënt Durnwalder,
streda Lupwald 17 a Falzes.
Do avëi prejentà n cheder dla situazion, sarà l presidënt Luis Durnwalder a desposizion per dumandes y ntervistes di jurnalisć.
as
