Atualità
Jonta provinziela damanda situazion particulera per la val d’Isarch auta
USP – La Jonta provinziela à dat pro de damandé al presidënt di Ministri la recunescënza dla situazion particulera per la val d’Isarch auta ulache do la catastrofa naturela ai prims de agost. Cun chësta dezijion (da NCUEI) dl 17 de agost se aspieta i assessëures provinziei la puscibltà de aiut ududa dant per lege.
L Stat à per caji de catastrofes natureles udù dant aiuc particuleres. Sce l Guviern talian recunësc la dumanda da Bulsan, se gëura la puscibltà de trëi categuries de aiut: saudeies che juda a rumé su (cossa che ie cun 100 alpini bele unida piteda), aiuc finanziei y spënjer la dates per paië chëutes o lascé do chëutes. "La recunescënza dla situazion particulera dà me la puscibltà di aiut, ma ne i garantësc mo nia" à sorissà l vizepresidënt dla Jonta Hans Berger, che à menà la senteda ntan l tëmp de paussa da instà.
Da pert dla Provinzia iel ntant unì sciazà n dann de 10 nchin 12 milion de euro. Tla lëtra a Monti vëniel nce damandà che i aiuc finanziei da pert dla Provinzia ne vënie nia somëtui al pat de stabilità. Ajache chël fossa n custimënt dopl per la Provinzia. "N iede iel n custimënt y sce l fossa sotmetù al pat de stabilità, messëssa chëi scioldi unì sparaniei ite nzaul d'auter" à spiegà l vizepresidënt dla Provinzia.
as
Landeshauptmannstellvertreter Hans Berger über die Maßnahmen für das Wipptal
- Scarica il file audio 1371 kb
