Atualità
Jonta provinziela: puscibltà nueva per sozieteies publiches
USP – Dan che l Parlamënt talian à dat pro la verscion definitiva dl Spending Review, la limitazion di custimënc publics, se ova la Jonta provinziela dat ju cun l daunì dla sozieteies publiches. Tla senteda (da NCUEI) dl 17 de agost iesen ruvei al pont che la lege data pro ie manco restritiva de chël che n se ova aspità.
Mpede messei dé su sozieteies publiches vëija la lege statela nueva, te si articul 4 dant l duvier de prugramé na urganisazion nueva. I doi ponc prinzipei ie la testemunianza dl bujën dla partezipazion publica y l mustré su co che l vën sparanià custimënt. Chësta doi testemunianzes messerà unides prejentedes al cumisser Enrico Bondi, nciarià per cuntrolé i custimënc publics.
L vizepresidënt dla Jonta provinziela Hans Berger vëij chësta puscibltà nueva defin positiva: "te chësta cuestion taca nce truep chemuns che fej per ejëmpl pert de sozieteies de pitli lifc dai schi cun na funzion plu soziela che economica, o de mëndra zentreles dal strom. Śën ne iel nia plu a avëi tan festide".
Aldò de coche la ova cialà ora danora, ne ëssa chemuns cun manco de 30.000 zitadins nia plu pudù fé pert de sozieteies y chemun nchin a 100.000 zitadins me a na sëula sozietà.
as
