Atualità
Miuramënc de segurëza a Urtijëi
USP – Sun l purtoi dai schi de Secëda possel unì fat lëures per miuré la segurëza. La Cumiscion provinziela per la cuntreda à te si senteda de n merdi 21 de agost dat pro l proiet de fé n puent te Val d’Ana per scunjeré l pericul per chëi dai sci y i auti.
L proiet prejentà dala sozietà dla furnadoia de Secëda vëja dant n puent daujin ala ustaria Val d'Ana sun chël che chëi dai schì possa passé sëura la streda che mëina al luech da Pincan. Chësta soluzion dl pericul per chëi dai schi y auti vën dal presidënt dla cumiscion Adriano Oggiano cunscidreda la miëura varianta. Te chësta ncrujeda univel for inò a se l dé situazions de pericul. Nce la lege per i purtoies dai schi ti dà priorità ala segurëza y nsci se tratovela de abiné na soluzion che respeteie nce la cuntreda. Do na descuscion plu longia à la maiuranza dla cumiscion dat pro l puent de acel.
Chësc proiet ie unì dat pro a cundizion che l vënie do i lëures inò fat crëscer ite la pertes daujin ala stizes de peton. La sozietà dla furnadoia, patrona di lëures, messerà seguré na cauzion de 10.000 euro.
as
