Atualità
Azetà i adatamënć ales pistes da Calfosch
USP – La Comisciun provinziala por la contrada à azetè te süa sentada da en mertesc, ai 21 d’agost, i proieć che reverda döes pistes da Calfosch, olache al po gnì fat laûrs d’adatamënt. Implü él inće gnü dè jö n arat positif por i laûrs de mioramënt dl implant da fà nëi.
Tl raiun schiistich da Calfosch cal ven da l'auter tl comun da Corvara programëia la sozieté „Impianti Colfosco Spa" laûrs de modelaziun dles pistes "Colfosco" y "Col Pradat". Implü déssel inće gnì miorè le terac sön na spersa de 500 metri cuadrać. La Comisciun por la sconanza dla contrada à azetè le proiet, mo l'autorité forestala mëss controlè i laûrs y al mëss gnì inverdì daldô. La secunda Comisciun por la sconanza dla contrada à inće azetè le proiet por miorè l'implant da fà nëi te chësc raiun schiistich. A chësta moda déssel gnì miorè la segurëza dl'inevamënt sön les pistes. Inće te chësc caje él l'autorité forestala che mëss controlè i laûrs y al mëss gnì indô inverdì do che al é gnü metü les condütes nöies y i canuns dla nëi.
usp
