Atualità
Jonta provinziela lascia archivië dumandes de cunzescion
USP – La lege provinziela che regulamenteia la sëurandata de cunzescions dal’ega per fé strom ne va nia a una cun la normes europees y talianes. La Jonta provinziela à (NCUEI) ai 27 de agost dat pro che la cunzescions per mplanc da fé passa 3000 Kilowatt de strom vën sëurandates tres cuncors, a chësta maniera iel nce unì dat pro de archivië la vedla dumandes.
Nchinamò ie vedla dumandes de cunzescion unides tratedes aldò dla vedla lege y chësc à for inò purtà a stritoc. Ma la cunzescion dal'ega per fé strom dëssa śën unì sëurandates aldò de n cuncors. Te chëla che l vën archivià la vedla dumandes, uniral me plu tëut n cunsciderazion la dumandes nueves. A chësta maniera toma nce i recursc y stritoc dan suneria per de vedla cuestions.
Tla Provinzia iel passa 300 dumandes per zentreles dal stom cun na produzion de passa 3.000 KW. Danter la prima cater dumandes che vën archiviedes iel, aldò dl presidënt dla Provinzia Luis Durnwalder, nce chëla per fé strom cun la Gran Ega dla Val Badia.
La dumandes per de mëndra zentreles vën aldò dl presidënt, tratedes una a una.
as
