Atualità
Nfurmazion sun l daz dl Stelvio, l Greenpass, tres internet
USP – Per furné la streda dl Stelvio/Stilfs, una dla stredes plu spetaculeres dl’Elpes, saral n auter ann da paië n daz. Duta la nfurmazion sun l “Greenpass” ie da giate tres internet sun la plata web nueva dl deparitmënt provinziel per i lëures publics dal adres www.greenpass.bz.it.
Bele da enes à la Jonta provinziela dat pro de mëter n daz per la streda dl Stelvio sëura Trafoi, ulache n furnea a Drei Brunnen. "A chësta maniera ne ulons nia me avëi ntredes per mantenì la streda, ma ulon nce la revaluté culturalmënter y ecologicamënter" sorissea l assessëur Florian Mussner che ova ala fin de lugio purtà la regulamentazion te Jonta. Chësta vëija dant che chiche uel da n auter ann inant furné sun l auto o cun l motor sun l jëuf de Stelvio, muessa avëi na vigneta da diesc euro. Chësta giaten pra un di 13 automac che vën metui su tla val Venuesta. "Cabines per l daz ne uniral nia metù su" dij Mussner.
Tant che muessa paië i autri mesuns, ora de auti y motores, l'ezezions, co che la ie cun la cherta per duta la sajon y ciun abunamënc che n possa fé, possen śën cialé do tres internet. Sun la plata web www.greenpass.bz.it iel sëuraprò ala nfurmazion de utl, nce na cherta y na camera web per se fé n cheder visuel dl jëuf de Stelvio/Stilfs.
as
