Atualità
Manual: locai te Südtirol por organisé manifestaziuns de vigni sort
OSP - Les Repartiziuns cultura dla Provinzia de Balsan à publiché en manual nü che listëia i locai daverc al publich y che è a desposiziun por mët a jí vigni sort de manifestaziuns culturales y formatives ti comuns tla provinzia.
Düc chi che à l'intenziun de mët a jì en evënt cultural, o é tl chirì en local adatè por organisè convëgns, seminars, proieziuns de films, raprejentaziuns teatrales, mostres d'êrt o conzerc à cun chësc manual nü en strumënt ütl y pratich.Le manual contëgn informaziuns sön la grandëza, le numer de posc, na lista dles atrezatüres tecniches presëntes y la mansciun de passa 200 strotüres te Südtirol. Laprò él ince da ciafè le cost por afitè i locai y i orars de daurida.
I dac por la publicaziun é gnü chiris adüm dales colaboradësses dles dües Repartiziuns cultura, Alexandra Pan y Marisa Giurdanella.
Debann é da ciafè le manual por tudësch: "Führer zu Kulturhäusern und Räumen für Kulturveranstaltungen" pro l'Ufize cultura - Repartiziun cultura tudëscia, tla strada Andreas-Hofer 18, 39100 a Balsan, telefonn 0471 41 33 66, fax 0471 41 33 49 o sënza pol gni apostè ince online sön le sît:
http://www.provinz.bz.it/kulturabteilung/publ/publikationen_d.asp
Debann é da ciafè le manual por talian: "Guida agli spazi per l'organizzazione di eventi culturali e formativi in provincia di Bolzano" pro l'Ufize cultura - Repartiziun cultura taliana, tla strada Ronco 2, 39100 a Balsan, telefonn 0471 411230, fax 0471 411239 o sënza pol gni apostè ince online sön le sît:
http://www.provincia.bz.it/cultura/publikationen_i.asp
EB
