Politica | 03.09.2012 | 14:36

Programs speziei per jëuni zënza lëur

USP – La cumpëida di jëuni zënza lëur crësc nce tl Südtirol. La Jonta provinziela à te si senteda da (NCUEI) ai 03 de setëmber tratà la problematica udan dant de lauré ora programs speziei deberieda cun reprejentanc dl’economia y i sindacac.

De fauré de chëst ann iel unì cumpedà 2287 jëuni sot a 30 ani zënza lëur. Sce n tlo demez chëi che lëura a sajon,o chëi che ne chier nia n lëur nuef, restel nia cis 900 jëuni che pudëssa se sëurantò na stiera. Ma nce chësta zifra muessa unida cunscidreda n relazion ai 30% che ie per manco de n mëns zënza lëur y l 65% che ie per manco de trëi mënsc zënza lëura. I caji problematics de jëuni zënza lëur, ie aldò dl presidënt Durnwalder 243 jëuni che ie plu che trëi mënsc zënza lëur. Aldò de ultima nrescides ie chësta cumpëida de agost ruveda su a 290 jëuni.

Un n gran problem ie che jëuni ne fina nia la scola prufesciunela. Tlo ulëssa la Jonta provinziela mëter a jì programs speziei che tol ite scola y furmazion tl'aziendes. A umans cun n mut ulëssen judé che les possa inò zapé ite te na stiera. Dla cumpëides zënza lëur ie i mec che ne à me fat la scola elementera y 40% che rejona me doi rujenedes. La Jonta provinziela ulëssa tò pruvedimënc acioche chisc jëuni zënza lëur posse mparé la rujenedes y lëures tecnics. Per sustenì lëures tl ciamp soziel pënsen a na reduzions de custimënc per chi che tol su jëuni.

Deberieda cun l ciamp economich y i sindacac cialeran de lauré ora programs spezifics per i jëuni zënza lëur. Tl medemo tëmp dëssel nce unì fat programs per jënt de mesa età che à perdù l lëur.

as