Atualità
600.000 euro per tofles di troies da mont
USP – 40.000 tofles ti troies da mont che ie melciafiedes unirà ti proscimi cater ani baratedes ora y nscì uniral juntà l inuem tla segonda y terza rujeneda. La Provinzia sëurantol mez l custimënt per mëter su duta chësta tofles nueves y nscì à la Jonta provinziela (NCUEI) ai 03 de setëmber dat pro n finanziamënt de 60.000 euro te tëmp de cater ani.
Tant che l presidënt dla provinzia Durnwalder ova fat ora cun minister ala regions da dant, Raffaele Fitto, vën śën realisà. La Jonta provinziela à dat pro de finanzië l barat de tofles cun 150.000 euro al ann, y chësc per cater ani.
L muessa unì baratà ora 40.000 tofles che costa feter 30 euro per una. L mez de chësc custimënt sëurantol la Provinzia - à detlarà l presidënt do la senteda dla Jonta. Per chëla tofles che l fova bele unì dant n cuntribut provinziel, ne uniral nia plu dat n segondo.
as
