Atualità
10 agn dla legia söl marcé dl laûr: picia festa
OSP - La legia provinziala numra 39, dl 12 de nuvëmber dl 1992 sön i provedimënc por la promoziun y le sostëgn dl marcé dl laûr, en general conesciüda ince sciöche legia söl marcé dl laûr südtiroleja, festejëia chëst'ann 10 agn.
Por chësta ocajiun organisëia la Repartiziun provinziala laûr por le proscim mertesc, ai 12 de nuvëmber, tla curt interna dl Palaz Widmann, tla strada Crispi 3 a Balsan, dales 17 dasëra na picira festa, a chëla che al vëgn invié düc i partners soziai y ince i assessurs provinziai competënc.Gesc d'onûr dla sëra sarà le "pere" de chësta legia, l'assessur provinzial Otto Saurer, inlaota assessur por le laûr, incö raprejentant dl presidënt dla Junta, assessur por le personal, por la sanité y por le sozial. Laprò gnarál ince Erich Achmüller, ch'á ativamënter tut pert al nasce y ala evoluziun dla legia söl marcé dl laûr y che é ste assessur al laûr dal 1995 fina al 1999. Parores de salüt dijiará spo l'assessuria al laûr da sëgn, Luisa Gnecchi y le diretur dla Repartiziun provinziala laûr, Helmuth Sinn.
EB
