Atualità
Jonta provinziela da pro cuntribuc per mplanc a gas bio
USP – Davia che l Stat à smendrì si cuntribuc per mplanc a gas bio, dà la Provinzia n aiut finanziei per i proiec bele mandei ite. Chësc à la Jonta provinziela dat pro (NCUEI) ai 10 de setëmber.
L Stat à smendrì l sustenì al'energia trasfurmeda dal gas bio da 28 a 22 centejims per chilowatt al'ëura. Per chësta rejon à la Jonta provinziela dat pro de junté n cuntribut dl depatimënt per l ambient al cuntribut dl assessorat per l'agricultura. Chësc cuntribut tres l depatimënt per l ambient dajovel bele n iede y fova pona unì tëut demez ajache i mplanc univa sustenii dal Stat. Śën ie i cuntribuc provinziei inò debujën y vën cunzedui a proiec che ie bele unic mandei ite.
La Provinzia sustën i mplanc da gas bio ajache i avanza lamboscia da cauté i prei zënza che l tof che desturba.
as
