Atualità
Fermà i cuntribuc per pendolares
USP – Davia che la Provinzia ne ruva nia do a paië ora i cuntribuc per pendolares, à la Jonta provinziela dat pro de nia plu azeté dumandes nueves. Aldò dl presidënt dla Provinzia uniral laurà ora da nuef l sistem de sustëni y ntant laurà su la vedla dumandes.
L cuntribut per pendolares ie nchinamò unì dat a chiche se sposta amanca 120 dis al ann per jì a lauré y vën da n raion ulache l ne furnea nia i mesuns de trasport publich. L cuntribut ie nce unì dat a dependënc che furnea passa n'ëura cun i mesuns de trasport y a chiche stà a passa set chilometri da na fermeda dla curiera o ferata.
Danter l 2002 y l 2010 ie la cumpëida de dumandes auzeda de feter mo n tant jan da 5000 a 9000 dumandes. Per chësta rejon iel aldò dl assessëur Widmann unì a se l de ntardivamënc pa paië ora i cuntribuc. Nchianmo iesen ruvei a paië ora la dumandes de mez 2009. Uni an iel unì metù a desposizion trëi milion de euro per chësta sort de sustëni, ma chisc scioldi na basta nia plu per unì do a duta la dumandes. A chësta maniera iel unì dat pro de fermé la dumandes nchin che n ne ie nia ruvei do a paië ora la vedles.
La Jonta provinziela à nce fat ora che l dëssa unì laurà ora da nuef l sistem de sustëni per i pendolares. Aldò dl presidënt dla Provinzia dëssel me plu unì tenì cont de chëi che à n majer bujën de n cuntribut.
as
