Atualità
Insigné ladin cun la storia dla scoresa ladina
USP – L’ofize “Inovaziun y consulënza” dl Departimënt educaziun y cultura ladina à publiché na unité didatica sön la storia dla scora ladina por insigné ladin tla cuarta y cuinta tlassa dla scora elementara.
Chësta unité fej pert dla mapa de laûr "Laurun deboriada 4 y 5"olache al vëgn dant tröpes tematiches, sciöche la cultura, la storia, l‘ambiënt y le lingaz ladin.
L'unité didatica é gnüda metüda adöm dala maestra Cristina Clara, le layout y la grafica é de Felix Ploner y Sara Frenner.
Te chësta unité didatica él spligaziuns adatades al'eté di scolars sön le model scolastich dles scores dla Val Badia y de Gherdëna, la storia dla scora ladina, la scolina ladina y la vita da vigni dé dla scora da plüdadî. Tl'unité él inće gnü ajuntè eserzizi, domandes cun resposta multipla y tesć da completè.
"Al é dër important che inće bele i scolars dla scora elementara impares a conësce i aspeć fondamentai de nosc sistem scolastich y de süa storia" dij l'Intendënt ladin Roland Verra. Le material scolastich "Storia dla scora ladina" vëgn metü a desposiziun de düć i scolars tla verjiun badiota y gherdëna.
usp
