Atualità
85% ie passei i ejams da instà tla scoles autes ladines
USP – Tla cater scoles autes di luesc ladins ne à 68 sculeies nia finà via l ultimo ann de scola defin positivamënter y à d’instà mo pudù fé do n ejam de singula materies. Curt dan che scumencëssa l ann de scola nuef ie 85 percënt de chisc candidac passei l ejam da instà per pudëi passé tla proscima tlas.
39 mutons y 29 mutans, danter la prima y cuarta tlas dla scoles autes ladines se à d'instà dat ju cun la materies te chëles che i ne à ntan l ann de scola nia arjont na votazion positiva. 58 di 68 candidac ai ejams da instà ie passei y à pudù passé tla proscima tlas. Chësc fej ora na perzentuela de 85 percënt.
Tla scoles autes ladines ne fova 6,6% (30 sculeies) defin nia passei y l 15,4% (68 sculeies) à giapà la puscibltà de fé n ejam da instà. De juni ne fova a chësta maniera 22% nia passei. Cun i ejams da instà ie la perzentuela di nia passei jita ju a 9%. Chisc ie 40 sculeies de 442 dla scoles autes te Gherdëina y tla Val Badia.
La gauja de chësta cumpëides ie aldò dl Ntendënt da abiné tla mudazion dl sistem de votazion che ie pert dla reforma naziunela "Gelmini". "Dant ruvova sculeies cun una o doi materies negatives mpomo inant tla proscima tlas, śën muessen nce cun n sëul 5 fé l ejam da instà" spiega Roland Verra.
Resultac tla scoles autes ladines 2011/12
| juni | setëmber |
passei | 344 (77,8%) | 402 (91%) |
nia passei | 30 (6,6%) | 40 (9%) |
ejams da instà | 68 (15,4%) |
|
NDUT | 442 (100%) | 442 (100%) |
Cëla nce l comunicat stampa
Resultac dl ann de scola: jëuni ladins anjeniei te deplù rujenedes dl 13.07.2012
as
