Atualità
Convëgn: "Svilup y sostëgn dla cultura ladina", ai 18 de nuvëmber
OSP - Sön proposta y deboriada cun la Consulta culturala ladina mët a jì l’Assessorat por la scora y cultura ladina n convëgn a chël ch’ al vëgn invié i presidënc y i rapresentanc dles lîes culturales ladines, i assessurs ala cultura di comuns, les ploanies y n rapresentant dles lîes dl turism.
Le convëgn "Svilup y sostëgn dla cultura ladina", é söl program en mertesc, ai 18 de novëmber 2002 dales 14.30 tl frabicat nü dlungia le Museum Ladin "Ćiastel de Tor" a San Martin de Tor y è ponsè sciöche continuité dles incuntades tignides a Ćiastel Badia tl 2000 y a San Linêrt de Badia tl ann passè.I tems söl ordin dl dè te chësc cunvëgn sarà:
"Cultura ladina danter sostëgn ala tradiziun y al'inovaziun", cun l'assessur ladin Florian Mussner.
Inant gnarál dè informaziuns sön "Les modalitês y prozedüres dles domandes de contribuć cun i criters nüs por la cultura ladina" da pert de Alfred Irsara, diretur de Repartiziun scora y cultura ladina.
"La promoziun culturala te n raiun periferich", é le tem cun chël che al se darà jö Roland Verra, mëmber dla Consulta culturala ladina.
"Le svilup cultural a livel de comun pian ia dal Comun de Badia", é spo le referat de Ugo Dorigo, ombôlt de Badia.
"L'ativitè culturala tles valades ladines udüda da foradecà" é le tem portè dant da Elisabeth Baur-Großrubatscher, assessuria por la cultura, scola y afars soziai tl Comun de Urtijei.
Conscideraziuns por le dagnì sön "L'Istitut Cultural Ladin Micurà de Rü à 25 agn" gnarà dades da Hugo Valentin, presidënt dl Istitut Cultural Ladin "Micurà de Rü".
Dan dal pice renfrësch final gnarál fat ciamò na discusciun finala y deplö conscideraziuns sura le fin de chësc convëgn da pert dl presidënt dla Consulta culturala, Carlo Willeit.
EB
