Atualità
N sada ai 22 l di zënza auto per ruvé a na cultura dla mubilità nueva
USP – La prejentazion dl di zënza auto, che sarà n sada ai 22 de setëmber, à Florian Mussner (te si prim ntervënt sciche assessëur al ambient dan la stampa) metù a cuer che messon duc mudé nosc pont de ududa y che son cherdei a judé pea a stravardé l ambient. Danter i chemuns che fej pea iel nce Badia, Urtijëi y Sëlva.
N var al iede se sviluperà na cuscienza nueva y na cultura dla mubilità nueva: pra la prejentazion dl di zënza auto à l assessëur Mussner sorissà che nëus duc messon scumencé a pensé autramënter n cont dla mubilità per smëndrì l pëis sun la natura y la mantenì. L'Aministrazion provinziela à cun l trasport publich y la rë de streda dala rodes bele fat de gran vares de chësc vieres.
40 chemuns dl Südtirol à tëut su l nvit dl Ökoinstitut de valorisé l di zënza auto a manieres defin defrëntes. Danter chisc iel nce i chemuns ladins Badia, Urtijëi y Sëlva. Tla cunferënza stampa, tenida ntan l'ena europeica dla mubilità, à l diretëur dl'agenzia de mubilità dla Provinzia Robert Rubbo sorissà l aspet positif dl di zënza auto: "la ne se trata nia de renunzië, ma de giaurì vijions a na mubilità pubblica alternativa".
Da pert dla Lia tët per ambient y natura à Andreas Riedl fat l ejëmpl dl di zënza auto sun la Mendel, Harald Rieterer dl Ökoinstitut à prejentà de plu azions sciche la festes cun la roda per chëles che sculeies à dat n cialé ora particuler a rodes che ie da udëi tla vetrines.
"Dal trasport publich ala roda o la roda a lectrisc, vëniel pità de plu alternatives al auto che possa jì bën per uni un" à dit l assessëur ala mubilità Thomas Widmann. Chësc dëssa unì sorissà cun l di zënza auto, a na maniera che trueps debe plu suvënz priorità a na mubilità lesiera.
L di zënza auto, n sada 22 de setëmber vën metù a jì per l cuinto iede sun scumenciadiva zentrela dl Agenzia provinziela per la mubilità y per l prim ie de dala Lia tët per ambient y natura. L Ökoinstitut cun l sustëni dl'Agenzia provinziela per l ambient y la fundazion Cassa dl Sparani se à sëurantëut la coordinazion.
Per ti jì plu sot ala tematica dl ambient, cëla www.oekoinstitut.it
as
