Atualità
Nöt lungia cun liber tl Museum Ladin y tla sënta Ursus Ladinicus
USP – Vijites debann, musiga, delicatëzes culinares y la presentaziun de n liber ves aspeta en sabeda, ai 22 de setëmber tl Museum Ladin Ćiastel de Tor a San Martin y tla sënta a San Ćiascian dedicada ala laûrs.
La presentaziun dl liber da 50 plates é un di momënć plü importanć dla Nöt lungia di museums tl Museum Ladin Ursus ladinicus a San Ćiascian: tres retrać da corusc y tesć informëia i dui auturs y paleontologs Gernot Rabeder dl'Université de Viena y Herwig Prinoth sön düć i argomënć dla mostra: ai descrî la vita dla laûrs di andri ursus ladinicus, so monn, süa descurida y dà informaziuns sön le tëmp dles dlaciaziuns y la rajun ćiodì che ara é morta fora. Le liber é dan man por todësch, talian , inglesc y ladin y po gnì cumprè por 7 euro (impede 8 euro).
La presentaziun dl liber vëgn fata tratan na vijita fora por le museum dl paleontologh Herwig Prinoth: l'espert porta dant le monn socrët dla laûrs di andri ursus ladinicus dl ander de Conturines, che viô dan da feter 50.000 agn tl raiun dles Dolomites. La vijita por todësch mët man dales 21.00, y chëra por talian dales 22.00.
Tl Museum Ladin Ćiastel de Tor a San Martin de Tor él Anita y Zenzo che sona dales 21.00. Te trami dui i museums gnaràl pité delicatëzes culinares dl post.
Les mostres ti dui museums provinziai ladins é da odëi debann tratan la Nöt lungia di museums en sabeda, ai 22 de setëmber, dales 18.00 ales 24.00. Al é n bus che va dales 20.00, 21.00, 22.00 y 23.00 da San Ćiascian a San Martin y dales 20.30, 21.3, 22.30 y 23.30 da San Martin a San Ćiascian. Chësc sorvisc é inće debann.
De plü informaziuns é da ciafè al numer 0474 524020 sön internet sot a: http://www.museumladin.it/ y www.provinz.bz.it/lange-nacht-museen.
usp
Galaria dales fotografies
Foto: Stefan Nagler
