Atualità
Plö sostëgn ales ëles che laora tl economia
OSP - Les domandes pò gni prejentades fina ai 31 de dezëmber 2002.
Da atira inant y por i proscims dui mëisc à, les ëles che laora tl economia y les dites y firmes che pò mostrè sö en alta partezipaziun de ëles, la poscibilité de fà domanda pro l'Assessorat provinzial por l'artejanat, comerz y turism y ince pro l'Assessorat por l'industria por avëi en contribut alzè por i investimënc.Por fazilité la prejentaziun dles domandes él a desposiziun na picira brosciüra con dütes les informaziuns de ütl. Le program nü dles sovenziuns y la brosciüra é gnüs prejentà incö ufizialmënter dai assessurs Werner Frick y Michele Di Puppo.
Les agevolaziuns é gnüdes scrites fora tl cheder de en concurs. Premié gnaràl chi che dan dal 31 de dezëmber mostrarà sö de avëi idees por investimënc inovatifs y arjunjarà n numer alt de punc söla basa di criters de sostëgn. Le concurs 2002 por l' "sostëgn ales ëles che laora tl economia, te dites o firmes", che é gnü metü a jí dai assessurs Werner Frick y Michele Di Puppo è le prüm de chësta sort tla storia economica de Südtirol.
Chëst ann por i sostëgns ti seturs dl artejanat, tl comerz, ti sorvisc y tl industria à la Provinzia metü a despoiziun 500.000 Euro. Fin é dandadüt chël de promöie le post dl ëla tl monn economich sudtirolej. "La cuota de partezipaziun dles ëles tl monn imprenditorial é incö dër dala meseria, ince sce al é dër tröpes ëles cualificades", à splighé incö l'assessur Frick. "Sozialmënter é le post dl ëla tl economia locala ciamò massa püch raprejentè y chël dles ëles a cé de val firma o dita püch cunscidré", á dit infin l'assessur Werner Frick.
Dala medema opiniun é ince stè l'assessur por l'industria Di Puppo, ch'á alzè fora le problem che les ëles ince te Südtirol é ciamò na mendranza tl monn economich. "Chësc dandatüt por gauja di impedimënc economics, familiars o culturai."
Saludé positivamënter le proiet á incö ince les ëles tl SVP cun süa presidënta, Martha Stocker y Gertraud Götsch, presidënta dl grup de laûr "ëla y economia" tl cheder dl Comitê por les valiënzes.
La Provinzia pò cunzed en sostëgn fina al 50 porcënt di cosc conzedüs por implanc tecnics, mascînns y atrezatüres, patents, software, costruziuns sciöche ince stüdi y business-plan.
10 Punc por les idees inovatives - Por tudësch - (239 Kb)
EB
