Atualità
Surapost dla delegaziun südtiroleja tl Molise
OSP - I rapresentanc dla Proteziun zivila provinziala, ch'é ruvà chisc dis ti posc tocà dal tremoroz tl Molise, s'á incuntè incö danmisdé cun le surastant statal dla Proteziun zivila Guido Bertolaso, tl comun de Larino.
Laprò fôl ince l'assessur por i laûrs publics dla Regiun Molise, Antonio Chieffo, sciöche ince le coordinadù dl unité de crisa, Vinceno di Grezia.Dômisdé s'á la delegaziun da Südtirol, metüda adüm dal diretur dla Repartiziun provinziala dla Proteziun zivila, Anton Fiechter, dal comandant di Stüdafüc de profesciun, Ernst Preyer y dal geometer Marco Marazzi, fat en cheder dla situaziun.
Ti proscims dis gnaral completè en stüde por odëi te cî mainira, finanziara o de recostruziun, che Südtirol pò daidè la popolaziun tocada dal tremoroz.
EB
