Atualità
Jonta provinziela vëija dant ativiteies per jëuni sota 15 ani
USP – Aldò dl regulamënc possa jëuni permò fé vel lëur d’instà canche i à cumplì i 15 ani. La Jonta provinziela à (NCUEI) ai 22 de utober dat pro n program de mascima che vëija dant ativiteies nce per plu de jëuni a cundizion che l ispetorat dl lëur y i genitores sibe a una.
Sota 15 ani ne possen nia lauré y unì segurei. La lege statela fej purempò na ezezion sce l se trata de ativiteies cultureles, aiuc per families, ativiteies umaniteres o sozieles. La Jonta provinziela se stiza sun chësta ezezions per dé la puscibltà a jëuni de fé speriënza tl mont dl lëur tl cuntest dl proiet JAWA.
Sce l Ispetorat dl lëur y i genitores ie a una, pudëssa i plu jëuni fé de tel ativiteies. "Mpede n paiamënt ,pudëssa chisc jëuni giapé per ejëmpl vel bon per libri" à spiegà l presidënt Luis Durnwalder do la senteda. Do che i assessëures à azetà chësc program de mascima, messeral śën unì stlarì i particuleres giuridics.
as
