Atualità
Sustëni a Cortina per l liber fundier
USP – La Jonta provinziela de Bulsan ie (NCUEI) ai 22 de utober stata a una de ti judé a Cortina a mëter inò a jì l sistem de liber fundier, ma danora muessel mo unì stlarì vel particuler giuridich.
Sciche pert dl Tirol storich ova nce Cortina nchin do la prima gran viera l sistem de liber fundier per la registrazion dla puscions, nsci sciche l ie mo for tl Südtirol. Ntan la vieres fovel a Cortina unì tëut demez, ma śën iel da pert di Ampezans unì damandà n sustëni a Bulsan per l mëter inò a jì. La Jonta provinziela che se à dat ju cun chësta dumanda ie a una de dé n sustëni. Ma dan fé vares cuncrec muessel aldò de Luis Durnwalder mo unì stlarì vel cuestion giuridica.
"Bonamënter pudons judé cun nosta esperienza tres na cunzescion. Ejëmpli de chësc viers iel bele tl Trentin. La cunzescion messëssa unì fata danter la Provinzia de Bulsan y la Region Veneto" à dit l presidënt dla Provinzia. L finanziamënt pudëssa unì tëut dl fond "Brancher" per i chemuns ujins. Pert dl'Acurdanza de Milan ie de finanzië pruvedimënc te chemuns ujins ala Provinzia de Bulsan cun 40 milion de euro.
as
