Atualità
ORF III y trëi programs nueves HD da mez nuvëmber inant
USP – L’azienda de rediotelevijion RAS pieta dal 15 de nuvëmber l program culturel ORF III sëuraprò. L canal de televijion trata dantaldut cultura, ntraunides d’atualità, scienza, nfurmazion y ntegrazion europea. Leprò uniral nce mustrà trëi programs te na mo miëura cualità visuela.
ORF III ie permò unì metù su dan n ann y à ntant cun si documenteres de gran cualità bele arjont n majer publich drët nteressà. L prim program tudësch ARD HD y i doi programs svizeri SF1 HD y SF2 HD unirà pitei te na miëura cualità visuela te chëla che l vën purvà ora tecniches nueves. Per l prim iede prova la RAS a mandé ora l signal de trëi programs HD te n iede. A chësta maniera vëniel ngrandì la vela de programs HD, che à nchinamò pità ORF1 HD, ORF2 HD y ZDF HD.
I programs 3Sat, Arte y LA1 vën ntan chësta mudazion spustei sun na luegia de trasmiscion nueva. Per udëi i canai ORFIII, ARD HD, SF1 HD, SF2 HD y nce i programs che n udova bele 3Sat, Arte y LA1 iel de bujën de crì i canai da nuef.
Ntan chësta mudazion vëniel nce atualisà la numerazion automatica di canai (LCN). Chi che ne ulëssa nia che vën mudeda la lista di canai sun si televijion, muessa destaché la numerazion automatica dan crì i canai da nuef. A chësta maniera ne iel nia de bujën de spusté i canai manualmënter tl menù dla televijion a cësa.
I pachetli de programs che unirà ativei ai 15 de nuvëmber
CH27 | CH34 | CH51 | CH59 |
Multiplex 3 HDTV | Multiplex 1 Standard | Multiplex 2 Standard | Multiplex 4 HDTV |
ZDF HD | ORF 1 | SF1 | ORF 1 HD |
ORF 2 Tirol | SF 2 | ||
Das Erste | BR FS Süd | ORF 2 HD | |
ZDF | KIKA / zdf_neo | ||
SF2 HD Test | 3Sat | ARTE | Das Erste HD |
ORFIII | RSI LA 1 |
as
