Atualità
"Nightliner Südtirol" śëgn inće tl web
USP – La plata internet dl nightliner se presentëia śëgn cun na iesta nöia; cun le logo unitar "Nightliner Südtirol" ti é l’assessur provinzial por la mobilité Widmann jü do sides al’adoranza tres majera de media digitai, che inće ales audanzes di rapresentanć di jogn.
Da n valgönes edemes incà él sön la plata internet www.nightliner.bz.it, che é gnüda laurada fora danü y à ciafè na miù grafica, i orars atuai y le calënder dles scomenciadies. Implü é la plata inće conzepida por smartphones. "Tres la iesta nöia dla plata vara da ciafè te vigni momënt debota y saurì l'orar de partënza dl proscimo nightliner", spliga Bodo Fink, colaboradù tl departimënt provinzial por le comerz y la mobilité a će dl grup de laûr de marketing. "Implü vara da organisé la sabeda sëra y le iade cun le nightliner bele danfora, ajache al vëgn pité na suravijiun de dötes les manifestaziuns a livel provinzial tl calënder dles scomenciadies."
usp
