Atualità
Merit di destudafuech pra la gran plueies y smueies
USP - La gran plueies dl fin dl’ena ie states gauja de truepa smueies y dificulteies sun streda y per la ferata. I destudafuech ie unic cherdei per 240 caji y à cun si lëur schivà n majer dann.
L prim bilanz che la Jonta provinziela à fat do l fin dl'ena de gran plueies mostra su truep dann de pitla dimenscions ma degun majer dann che se damandëssa n ntervënt speziel. Ntan chisc dis iel stat feter 2000 uemes de 150 grupes di destudafuech che à laurà per schivé mo n majer dann.
L presidënt dla Provinzia Luis Durnwalder à tla cunferënza stampa do la senteda dla Jonta sorissà l merit di destudafuech ulenteres y prufesciunei per si lëur y mpëni de schivé l piec. "Chësc desmostra che ne pudon mei sciazé assé nosc sistem de prutezion zevila" à sorissà l presidënt dla Provinzia.
as
