Atualità
Lerch da prejenté prudoc tl Tirol
USP – Pra trëi de majera manifestazions o fieres a Bulsan dëssel nce unì metù a desposizion na lerch per i prudoc dla region europea dl Tirol. La Jonta provinziela à (NCUEI) ai 12 de nuvëmber dat pro na regulamentazion nueva cun n sustëni de 60.000 euro al ann.
L sustëni per prudoc da tlo ne reverda nia me la Provinzia de Bulsan ma cun l Trentin y l Tirol dl Nord bën duta la region europea dl Tirol. Artejans o produtëures dëssa aldò dla regulamentazion nueva n iede fé dumanda de sustëni pra la Provinzia y pona damandé la lerch da mëter ora al chemun de referimënt. Sciche l presidënt Durnwalder à prejentà te cunferënza stampa dëssa chësta puscibltà unì data trëi iedesc al ann, per ejëmpl pra i marcieies da Nadel, d'ansciuda y autonn. Chësc sustëni per prejenté i prudoc dla region europea Tirol ie udù dant per na fasa sperimentativa de cater ani. La Jonta provinziela à udù dant n sustëni de 60.000 al ann per uni grupa che fej dumanda.as
