Atualità
Manual nü: poscibilitês de formaziun te Südtirol
OSP - Scoles altes, scoles profescionales o spezialisades? Al é gnü publiché le manual nü y ajornè por le 2003 che é en indicadú ütl por i scolars che frecuentëia la terza mesana y che é drio a tò na dezijiun sön le dagní.
Le Ufize provinzial por la formaziun y la consulënza dl laûr á dè fora chîsc dis le manual nü por tudësch: "Wegweiser zu den Ausbildungsmöglichkeiten in Südtirol 2003".Le pice liber dà na suravijiun dles tröpes poscibilitês de stüde y formaziun cun na picia scheda de informaziun de vigni scola alta, profescionala, spezialisada, d'agraria te nosta provinzia.
Dlungia dütes les mansciuns él da ciafè ince spligaziuns sön i contribuc y i sostëgns finanziars por le stüde che les families pò ciafè y ince en indêsc di cunvic olache i studënc pò stè.
La brosciüra nöia por tudësch é da ciafè te vigni ufize de consulënza por le laûr, pro l'Ufize provinzial por la formaziun y la consulënza dl laûr, tl palaz provinzial numra 7, tla strada Andreas-Hofer 18, a Balsan.
Ince online él poscibl prenotè le liber ala mansciun: www.provinz.bz.it/schulfuersorge-berufsberatung.
EB
