Atualità
Diretives dla Jonta provinziela per la cremazion
USP – Co che dëssa unì fat na cremazion y co che l cënder dl defont possa unì tenì su o spandù ora ie (NCUEI) ai 26 de nuvëmber unì udù dant dala Jonta provinziela sun pruposta dl assessëur Theiner. I particuleres muessa nchin te 30 dis unì regulamentei dai singuli chemuns.
La cremazion à for plù pià pe nce tla provinzia de Bulsan. Aldò dl presidënt dla Provinzia iel bele luesc ulache ie unì fat la cremazion a 50% di defonc. A una cun i chemuns y la istituzions dl ciamp, à la Jonta provinziela regulamentà l trasport di defonc, la cremazion, co che dëssa vester l vascel y la urna, ma nce ulà che n possa tenì su l cënder o co che l possa unì spandù ora.
N linia de mascima dëssa l chemun de cumpetënza lascé pro la cremazion sce l defont se l ova damandà tres testamënt o sce l fova cumëmber de na lia de cremazion. Sce n tëmp de vita ne iel nia unì fat na tel detlarazion, dëssel unì respetà la ulentà de chëi de familia.
N cont dl vascel, à la Jonta provinziela udù dant che l muessa vester de lën nia tratà, na urna possa unì suplida te curtina o sëurandata da tenì su.
La diretives de cremazion lascia nce pro la puscibltà de spander l cënder te lueges ududes dant aposta te curtina o nce te d'autra lueges (per ejëmpl sun grunc privac, te ruves o te lueges ududes dant dla Chemun).
La regulamentazion di particuleres ie de cumpetënza di singuli chemuns. Chësta dezijions muessa unì tëutes nchin te 30 dis dala publicazion dl'urdenanza data pro dala Jonta provinziela.
as
