Atualità
Mpëni aldò dl’Acurdanza de Milan
USP – Co che i 100 milion de euro, udui dant tl’Acurdanza de Milan dëssa chëst ann unì mpeniei, ie (NCUEI) ai 26 de nuvëmber unì dat pro dala Jonta provinziela.
Da trëi ani mpënia la Jonta provinziela 100 milion de euro te singuli capituli, ma nchinamò macia l'acurdanza cun l Stat. "Puremò mpenion da ann a ann chisc scioldi udui dant tl'Acurdanza de Milan per sëurantò cumpetënzes dl Stat, ajache i muessa vester a desposizion te chëla che ruvon a una cun l Stat" à spiegà l presidënt Luis Durnwalder te cunferënza stampa.
Per chëst'ann iel uni dat pro 40 milion de euro per i chemuns che va a sëida cun la provinzia de Bulsan, 5 milion per l personal dl conservatorio "Claudio Monteverdi" a Bulsan, 20 milion per i programs tudësc y ladins dla RAI de Bulsan, 2,6 milion per l'università de Bulsan y 31 milion per sëurantò l spartì ora dla posta.
as
